Kanaaf, tajaajila haqaa dhaqqabamaa, adeemsa salphaafi baasii xiqqaan sirna seeraafi haqaa guddina aadaafi duudhaa Oromoof gumaachuufi miirri abbummaa keessatti mirkanaa’e uumuuf ta’uus ibsaniiru.

Qulqullina tajaajila abbaa seerummaa fooyyessuuf, loogiirraa bilisa, fayyaalummaa, gahumsi ogummaa, qabiinsa maamilaafi dhimmoota walfakkaatan irratti murtii walfaakkaataan kennuun qulqullina hojii keenyaa mirkaneessuuf xiyyeeffannoo olaanaan hojjechaa turuu isaanii gabaasa Caffeef dhiyeessan keessatti ibsaniiru.

Dhaqqabumama, si’aayinaafi bu’a qabeessummaa tajaajila abbaa seerummaa dabaluun, lammiileen karaa salphaafi bu’a qabeessa ta’een tajaajila gorsaafi deeggarsa seeraa bilisaa, hiiktuu afaanii, sirnaafi hojimaata mana murtii ilaalchisee odeeffannoo gahaafi teeknoloojiitti fayyadamuun dhiyeenyatti tajaajila akka ragataniif hojjetamaa turuus eeraniiru. Ummanni keenya, aadaafi duudhaa qabuun waldhibdeesaa akka hiikkatuuf Mana Murtii Aadaa Caffeen labse hojiitti hiikuun rakkoo hawaasaa furuu keessatti shoora olaanaa akka taphatu taasifameera jedhan.