CAFFEE – (Waxabajjii 16/2014): Caffeen Oromiyaa, Manneen Maree Ummataa sadarkaan jiran cimsuuf xiyyeeffannoo addaan hojjata kan jedhan Afyaa’ii Caffee Oromiyaa Kab. Aadde Sa’adaa Abdurahmaani.
__//__
Caffeen Oromiyaa, Afyaa’ota Manneen Maree Aanaaleefi Magaalota Oromiyaa waliin gamaaggama Raawwii Hojii Bara 2014 Magaalaa Adaamaatti gaggeessaa jiru irratti kan argaman Afyaa’iin Caffee Oromiyaa Kab. Aadde Sa’adaa Abdurahmaan, barri 2014 bara milkaa’inootaafi qormaatilee hedduu itti dabarsinedha.
Itti fufuunis, Aadde Sa’adaan abdiin ummanni keenya Caffeefi Manneen Maree sadarkaan jiran irraa qabu guddaa waan ta’eef, kana milkeessuuf ammoo qindoominni sadarkaa hundatti taasifnu lafa qabachuun fayyadamummaa ummataa keenyaa mirkaneessuu qaba jedhan.
Kaayyoon guddaan waltajjii kana dhimmoota akka ciminatti ilaalaman daran cimanii akka itti fufaniifi kanneen akka hanqinaatti ilaalaman ammoo fala waaraa akka argataniif karoora bara 2015 keessatti akka galteetti kan fudhataman ta’uus ibsaniiru.
Waltajjicha irratti Gabaasni Fooramii Afyaa’ota Godina Arsiifi Mana Maree Magaalaa Ciroo, Magaala Shaashamanneefi Caffeetti Daariktera Ijaarsa Dandeettii Manneen MareeUmmataa Obbo Maammush Leellisaan Duubdeebiin baatii sagalii dhiyaatee jira.
