የጨፌ ኦሮሚያ አፈጉባኤ ክብርት ወ/ሮ ሰዓዳ አብዱራህማን 17ኛውን የኢትዮጵያ ብሔር፣ ብሔረሰቦችና ሕዝቦች በዓል ምክንያት በማድረግ በአዳማ ከተማ የበጎ አድራጎት ፕሮግራም አስጀመሩ፡፡
****
ክብርት ወ/ሮ ሰዓዳ አብዱራህማን በአዳማ ከተማ ተገኝተው በከተማው መስተዳድር እና በከተማው የሴቶችና ህጻናት ጽ/ቤት አስተባባሪነት ተገንብተው ያለቁ የጋራ መኖሪያ ቤቶችን ለአቅመ ደካሞችና አነስተኛ ገቢ ላላቸው የህብረተሰብ ክፍል ቁልፍ አስረክበዋል፡፡
በንግግራቸውም ባህላዊ ኤሴቶቻችንን አጠናክረን በዓሉን በተለያዩ የበጎ አድራጎት ፕሮግራሞች ስናከብር የሕዝቦች ወንድማማችነት፣ አንድነት፣ አብሮነትና መተሳሰብ በሕዝቦች መካከል እንዲጎለብት እና ለሀገር ግንባታ የበኩሉን ድርሻ እንዲጫወት ታስበው እየተሰራ ያለ ነውም ብለዋል፡፡
ከዚህ በተጨማሪም በክብርት አፈ ጉባኤው የሚመራው ልዑክ በሉሜ ወረዳ ጠዴ ቀበሌ በመገኘት በ2014 የተተከሉት ችግኞችን በመንከባከብ ለቀጣይ ክረምት የሚዉሉ የችግኝ አዘገጃጀትንም ጎብኝቷል፡፡
