Raawwii Hojii Biiroo Misooma Magaalaafi Manneeni ilaalchisee paarkii magarisummaa qarqara lageenitti xiyyeeffannoo addaan hojjetamaa jiraachuu, magaalota ammayyeessuuf sochiin hojilee riifoormii taasifamaa jiraachuu, oomisha kuduraafi muduraa irratti bara kana karaa addaan hojjetamaa jiraachuufi qulqullina magaalotaa eegsisuuf hojileen hojjetamaa jiran korichi cimina jedheera.

Hataa’uuti, gandoota pilaanidhaan gara magaalatti makaman irratti xiyyeeffannaan kenname laafaa ta’uufi ijaarsi seeraan alaa gandoota baadiyaa pilaaniin gara magaalatti makaman biratti babal’achaa dhufuun immoo hanqinaa jedheera korichi.

Gama raawwii hojii Biiroo Daldalaafi Misooma Gabaafi Eejeensii Geejibaa Oromiyaatiin qorannoofi leenjiin sirna daldalaa irratti hojjetame gaarii ta’uu, dhiyeessii al-ergee irratti hojiin hojjetame fooyyee qabachuu, misooma daldalaa babal’isuuf carraaqqqiin jiru gaarii ta’uufi to’annoofi hordoffii tajaajila geejibaa irratti hojiin hojjetame gaarii ta’uu akka ciminaatti kan ilaalame yommuu ta’u, riifoormii daldalaa akkaataa barbaadameen hojiirra oolchuu dhabuu, to’annoon gabaa irratti taasifamaa jiru hanqina qabachuu, dhiyeessii meeshalee bu’uuraa irratti hanqinaaleen jiraachuufi akkasumas fedhiifi dhiyeessiin tajaajila geejibaa walsimuu dhabuu, qaamolee akka poolisii, tiraafikaafi kanneen biro wajjin qindoominaan hojjechuudhabamuun immoo hanqinaalee raawwii hojii keessatti mu’ate ta’u korichi kaaseera.

Bifuma walfakkaatuun seekteraalee Korichaaf itti waamaman hundaa gamaaggamuun ciminaaleefi hanqinaalee jiran adda baasuun kallatti hojiifi dhimmoota xiyyeeffannoo barbaadaniif xiyyeeffannoon kennamee raawwii hojii kurmaana itti aanu keessatti hagugamee akka hojjetamuuf dkallattin hojii karaa Dura Taa'aa Koree Dhaabbii Dhimma Misooma Magaalaa Obbo Abdulqaadir Huseenin kennameera.

Odeeffannoo Dabalataa Argachuuf: