Afyaaโii Caffee Oromiyaa
Aangoo fi hojii Afyaaโichaa:
1.Walgahii idileefi ariifachiisaa Caffichaa ni yaama; ni gaggeessa.
2.Qaamolee dhimmi ilaalu wajjiin wal taโuudhaan ajandaa walgahichaa ni qopheessa; miseensonni Caffichaas dursanii akka beekan ni taasisa.
3.Cafficha olโaantummaan ni gaggeessa; ni bulcha.
4.Cafficha bakka buโuudhaan qaamolee biroo wajjiin qunnamtii ni taasisa; keessummoota Caffichaa ni simata; akkaataa keessummeessa isaanii qajeelfama ni kenna.
5.Dura taaโota, Itti aantota dura taaโotaafi Koreewwan, Itti gaafatamaa Waajjira Caffichaa, akkasumas Caffichi akkaataa seeraatiin qaamolee keessatti bakka buโu keessatti miseensota bakka buโan dhiyeessee ni filachiisa; ni muuchisa; akkasumas akka bakka buโan ni taasisa.
6.Wixinee seeraa qaamolee adda addaarraa dhiyaatan fuudhee Koree dhimmi ilaaluuf ni qajeelcha.
7.Wixinee seeraafi gabaasni qaamolee Mootummaa akkuma barbaachisummaa isaatti dursee miseensota Caffichaa dhaqqabuusaa ni mirkaneeffata.
8.Akkuma barbaachisummaa isaatti dhimma Caffichaan irratti mariin gaggeeffamaa ture tokko erga mariโatameen booda ejjennoo Caffichi qabate ifa godha; sagalees itti kennisiisa.
9.Miseensota Caffichaa mirgi addaa qaban akka irraa kaโu yoo murtaaโe, qaama ilaalutti ni beeksisa.
10.Miseensota Caffee sababa adda addaatiin hirโatan qaama dhimmi ilaalu beeksisuudhaan akkaataa filannoodhaan bakka buusuudhaaf itti dandaโamu ni mijeessa.
11.Murteewwan, ajajootaafi qajeelfamoota Caffichaan kennaman qaamolee, abbootii taayitaa ykn namoota dhimmi ilaaluuf dabarsuudhaan ni beeksisa; hojiirra ooluusaas ni hordofa.
12.Baajata hojiif barbaachisu qopheessee Caffichatti dhiyeessee ni raggaasisa; ni bulcha.
13.Caasaan hojjattoota waajjirichaa akkaataa seera bulchiinsa hojjattoota Mootummaa Naannichaatiin qophaa'ee hojiirra ooluusaa ni hordofa; ni to'ata.
14.Abbootiin taayitaa, hoggantoonni hojiifi namoonni hubachiisummaaf barbaadaman walgahii Caffichaarratti akka argaman ni taasisa.
15.Afyaaโiiwwan Manneen Maree Aanaalee, Magaalotaafi Gandootaa deeggarsa barbaachisaa taโe akka argatan ni taasisa.
16.Komishinii Hiiktuu Heera Mootummaa Naannichaa ni gurmeessa; deeggarsas ni kenna.
17.Manneen Maree Aanaalee, Magaalotaafi Gandoota wajjiin qunnamtii hojii jiraachuu qabuuf, ijaarsa barbaachisaa qoratee hojiirra ni oolcha.
18.Dambii Caffeen raggaasu, qajeelfamootaafi maanuwaalota Koree Mariโachiistuun bahan guyyoota 15 keessatti sirreeffamni barbaachisaa taโe akka raawwatamu gochuun mallatteessee akka maxxanfamu taasisa.
19.Hojiilee Caffichaan kennamaniif kan biroo ni raawwata.
